Date : 14/06/2022
Career Growth Channel for Blue and Grey Collar Workers:
Transcript:
30 hazzar, 40 hazaar, 60 hazaar se 1 lakh tak salary mill rahi hai electrician, plumber, fitter, machinist aur bhi bohot saare trades ki naukriyon main, voh bhi Bharat mai hi. Kyun? Yakin nhi ho raha? Aapke hi field ke log itna kaise kama rahe hain? Aisa alag kya kiya unhone jinki itni salary hai?
Janaab, aaj ki new technology aur digital ki duniya ne game badal ke rakh diya hai, EV industry ho ya online food delivery business, sabko new labour staff ki zaroorat hai. kareeb 9 crore new blue collar jobs create hone wale hain, BCG ke report ke hissab se.
Aapko bhi jaana hai in jobs ke baare mai? Par kaise? Kahan milengi yeh saari jobs? Konse skills ki zaroorat hai aise naukri lene ke liye?
Agar aap bhi issi shetra ke hain to aap bhi zaroor sochte hoge, kash koi hota jo mere har sawal ka jawab de sakta; mujhe samjha sakta life mai aage kya karna hai- kaise aage badhna hai? Kyunki aksar hum dekhte hain doctors, engineers, teacher, IAS ke field ki knowledge par har koi baat karta hai- ki kaise in sab careers mai sucecss milegi, konse new skills aur courses ki zaroorat hai career mai aage bhadne ke liye, etc.
Par unlogon ki kon baat karega jinke kandho pe pura desh chal raha hai – construction worker, truck driver, electrician, mechanic, plumber, etc / humare shramik bhai/ behen jinka kaam bhalehi log nazarandaaz kar dete hain par unke sahare desh ke baaki saare logon ke kaam nirbhar hote hain.
Socho agar kuch din desh ke saare shramik log chutti pe chale jaye?
Badi se choti saari industries ruk jaengi; ghr ke pass milne wale zaroorat ki cheezon ki supply ruk jaegi; mehengai bhadh jaegi; sab tham sa jaega.
Log sochte hain engineers/doctors/ lawyers hi desh chala rahe hain. Balki, blue and grey collar sector hai asli kadi jisne desh ko is trahan jod ke rakha hua hai ki baaki logon ke din ke saare kaam asaani se hojaate hain.
Isiliye zaroori hai ki,humare is desh mai shramik bhai-behen ka ek mazboot astitav ho. Aur yehi maksad ke sath mai is ShramIN-Shala channel ke madhayam se un saare topics pe baat karunga jisme aapke career se related saari knowledge di jaegi.
Toh iss shetra mai aage badhne ke liye humne blue collar workforce, yaaniki shareerik shram karne wale logon ko teen categories ya hisson mai baant diya hai:
Category 1: School dropouts –
Bache jinhone 8th aur 10th class ke baad padhai continue nhi ki ya kar nhi paaye. Aur ab rozgaar ya regular income ke naye mokke dhoond rahe hain, par samjh nhi aarha kya karen. Kahan se shuru karen? Ya aisa konsa vocational course karen jo naukri dilane mai madad kare?
Category 2: Vocational course ya ITI mai hain
Students jo abhi vocational course abhi kar rahe hain alag – alag trades jaise – computer operator, mechanical, electrical, fitter, machinist etc. Yeh hain freshers, jo abhi confused hain ki unke field aur kills ke according kahan, kaise aur kitne salary ki job milegi. Kaise new job ke liye apply karen, kaise interview de, etc.
Category 3: Experienced hain
Phir aate hain is field mai experienced workers, voh log jo is field mai kaaafi time se kaam kar rahe hain aur ab career mai tarakee karna chahate hain – behtar rozgaar/ naukri ki our kadam bhadhana chahate hain. Par unhe nahi pata kahan se aur kaise unko aage apne career mai bhadhna hai.
kis type ki job, kitni salary ke sath, kis industry or location mai available hai. Konse new skills or soft skills ke madad se apne career mai aage tarakee kar sakte hain.
Toh inhi sab sawalon ka hal leke mai aunga har hafte isi channel pe, Usse pehele comment section pe jaiye aur likhiye aap kis category mai aate hain?
Category 1- school dropout
Category 2- Vocational course ya ITI mai hain
Category 3- Experienced hain
Aur sath hi apna koi sawal jo aap apne field ke liye puchna chahate hain voh comment pe likh dijiye.
Also Read:
EV Industry And Related Career Opportunities
One District One Product Scheme
Agniveer Scheme ITI और पालीटेक्निक डिप्लोमा पास आउट युवाओं की भारतीय थल सेना में भर्ती